សៀមរាប៖ មន្ទីរសាធារណការ និងដឹកជញ្ជូនខេត្តសៀមរាប បានប្រកាសផ្អាកចរាចរណ៍រថយន្តដឹកទំនិញធុនធ្ងន់គ្រប់ប្រភេទ លើកំណាត់ផ្លូវខេត្តលេខ ២៦៦ ក្នុងភូមិសាស្ត្រស្រុកជីក្រែង ខេត្តសៀមរាប ជាបណ្តោះអាសន្នដោយសារតែផ្លូវរងការជន់លិច។
មន្ទីរសាធារណការ និងដឹកជញ្ជូនខេត្តសៀមរាប បានបញ្ជាក់ស្ថានជំនន់ទឹកភ្លៀង ក្នុងភូមិសាស្ត្រស្រុកមួយចំនួននៃខេត្តសៀមរាបបានស្រុកចុះ ដោយឡែកក្នុងស្រុកជីក្រែងមិនទាន់មានភាព ល្អប្រសើរនៅឡើយដោយក្នុងនោះស្ថានភាពទឹកបាននិងកំពុងជន់ឡើងលិចផ្លូវខេត្តលេខ២៦៦ (កំពង់ក្តី-ខ្វាវ) ដែលបង្កឱ្យមានការព្រួយបារម្ភ។
ដើម្បីថែរក្សាផ្លូវឱ្យនៅគង់វង់យូរអង្វែង មន្ទីរសាធារណការ និងដឹកជញ្ជូនខេត្តសៀមរាប បានផ្អាកចរាចរណ៍រថយន្តដឹកទំនិញធុនធ្ងន់គ្រប់ប្រភេទ លើកំណាត់ផ្លូវខេត្តលេខ២៦៦ (កំពង់ក្តី-ខ្វាវ) នេះជាបណ្តោះអាសន្ន រហូតដល់មានការជូនដំណឹងសារជាថ្មី៕
